Sekretu polit bat
Carbonel, Arantza
Espazioak duen
txoko izkutuenetan
babesten ditut
ene begi hauek...
eta han
malko arteko hiztegiz...
han
maitasunak non kokatu asmatzen
telebistako iragarkiz fidatzen denekoa
bai, hortik urrunago
non begiak topaketan larritzen direnekoak
Hara abiatzeko
ez! kartel handi ezaugarririk
ez! bere izena historia liburuetan ikasia
(bainan historiagile deritza)
Irrifar malko arteko hiztegiz
ene begiek konta
konta didate
han,
non hautsez hauts
egurrez egur
denborarik gabeko tiktakez tik tak
sutondoa erikitzen denekoa
konta did...
sekretu polit bat zen
zu... zu ene laguna
izan izatearena