Choria eta chinhurria
1
Primadera hastetik uda azkenera.
Chinhurri bat zuhurra landa bazterra:
Chori papo gorri bat arbola batera.
Egun oroz heldu zen kantuz aritzera.
Eta chinhurriari trufa egitera.
2
Chinhurria hasten da goizean lanari.
Egun guzietako duen guduari:
Karga ezin altchatuz nigarrez da ari
Choria itzalpetik kantu eta irri
Chinhurriak aldiz hau dio erran nahi.
3
«Choria, hitz hau diat hiri erraiteko.
«Nik ere bi beharri hire aditzekn:
«Haimbertze gauza baduk lurrean biltzeko
«Emak choko batera neguan jateko
«Lanari lotzen bahiz etzauk dolutuko.»
4
-«Chinhurri lepho mehe, itchusi kiskila
Ni ez nauk jiten hire gana deusen bilha
Lanian ez duk hari ihizi abila;
Bardin urthe guziez jiten duk uztaila:
Utz ezak utz lan hori hik ere ergela.»
5
Horra abendo beltza, negua harekin.
Elhurra eta horma haize hotzarekin:
Chinhurria etcholan gauza frangorekin,
Ongi jan, ongi edan bere adiskidekin
Chori gaichua nun den nahi luke jakin.
6
Hain sarri etcholatik badoha kampora
Chori gaichua ere usatu lekura:
«Orai kanta zak othoi aire pollit hura-
-Nundik kantaturen dut, zeren nuk barura.
Sar-araz nezak bada hire etcholara.
7
-«Hizan bezalakua, khen hakit bichtatik.
Zer nahi huke orai ene etcholatik?»
-«Zembait papur bederen hire afaritik;
Othoi begira nezak gosiak hiltzetik;
Ez deat gehiago erranen gaizkirik...»
8
-«Alferra hizalakotz ez nuk urrikaltzen
Orai hor ikhus zak hor zertaratu haizen.
Ez hakina negukua udan zela biltzen;
Jainkoak eman gauzez ez hiz baliatzen.
Goratzeko ikasak lehenik aphaltzen.
9
Chinhurriak duena erran choriari.
Erran ahal ditake mundu guziari:
Alferrak izanen du gose eta egarri,
Loth giten hots guziak bihotzez lanari.
Zeruko bai lurreko egitekoari.