Cantemus Domino (Moise-ren eresia, Ex.XV, 1-19)
Nik aharai dagiot Yahweri,
ospe andiz ospatu baitzaigu;
gure etsaien zaldi ta zaldunak
itsasoan eortzi baititu.
Nere indar ta eres-gaia Yahwe,
bera izan da nere Gaizkatzale.
Auxe da nere Yainkoa, ta nik
ospatuko dut naizen artean,
nere aitaren Yainkoa da ta
goretsiko dut nere mendean.
Gudulari azkarra da Yauna,
Yahwe da bere-berezko izena.
Faraonen gizalde ta orgak
itsas-pera egotzi zituen;
aren buru ta aitzindari autak
suntsitu ziren Itsas- Gorrian;
ur-osiñek estali zituzten,
arria lez beiti yautsi tiren.
Zure eskua sendo agertu da,
zure eskuak, Yauna, yo etsaia;
zure ospe andiaren andiz
aurkariak irauli dituzu;
zure sumiña igorri zenien,
lastoa lez iretsi zituen;
zure sudur-atzearen erruz (indarrez)
urak multzuan bildu ziraden,
ur lasterrak geldi geldi lotu,
itsasoan osiñak ormatu.
Gure etsaiak bazion aidorki:
«Yarraikiren natzaie bertati,
atzeman ta bipilduko ditut,
aseko dut nere asper-naia,
elkiko dut ezpata zorrotza
ta galduko ditu nere eskuak.»
zure atsaz fu eman zenuen
ta itsasuak estali zituen;
urgaitzetan pulunpatu dira
zolaraiño, beruna bezela.
Nor zu-lakorik yainkotan, Yahwe?
zu guziz gora sandutasunez,
zu beldurgarri goraipamenez,
zu bakarrik mirari-egile.
Zure eskua edatu zenuen,
lurrak bertan iretsi zituen.
Zuk askatu-yendaki au orde
onginaiez bidatzen baituzu,
zure egoitza sandura xuxenki
zure indarrez orain daroazu.
Gertakari auek ikasi ta
yauzi dire ango gizeliak,
oiñazetan biurka dabiltza
Filisteko egoile guziak;
nasirik daude Edom-go yauntxoak,
dardar Moab-ko gizon sendoak;
urtu dire Kanandar guziak,
artu ditu beldur-laborriak.
Zure beso gaitzaren indarrez
lotu dire zurrun, arri antzo,
zuk erosi-erri au lokabe
aien erditik igaro arte.
Zuk dituzu, oi Yauna, sartuko
zure maiteok ta landatuko
zure izantza den mendi garaian,
zuk zeretzat autatu-gunean,
zure eskuek, Yauna, berreginki
apaiuduriko sandutegian.
Yahwe izanen da errege beti
menderen mende bera nagusi
Faraonen orga ta zaldiak
sartu baitziran itsas-barnera,
eta Yaunak biurtu zituen
itsas urak beraien gaiñera;
Israeldarrak aldiz txukurik
ibilli ziren itsas-erditik.