Cantate Domino canticum novum
Eia! eresi berri bat
kanta zozue Yaunari;
lurreko bazter guziok,
kanta zozue Berari.
Yaunari kanta zozue,
ta aren izena onetsi,
egunetik egunera
aren gaizka adiarazi.
Erakuts aren ospea
arrotz-errien artean,
aipa bere mirariak
yende guzien artean.
Txit andia baita Yahwe,
andi ta goragarria,
yainko guzien gaiņetik
beldurgarria da Bera.
Arrotz-errien yainkoak
itxura baizik eztira;
Yahwe gure Yaunak berriz
Berak egin du ortzia.
Edertasun ta omena
dirade bere aurrean,
ahal eta andizurena
aren egoitza sanduan.
Ots! emozue Yaunari
yende guziok batera,
eskain zozue Yaunari
goraipamena ta indarra.
Bai, Yaunaren izenari
ekar zozue ospea,
ta opariak arturik
sar zaizte aren etxera.
Yauntzi sanduz apaindurik
gur zakitzate Yaunari;
lur osoa aren aurrean
dardaraz ikara bedi.
Esazue atzerritan:
"Yahwe Yauna errege da!
lurra Berak sendortu du,
ezta igituko sekula."
Alai bitezi ortziak,
pozez yauzi bedi lurra,
dardara bedi itsasoa
ta artan dagoen guzia.
Yausi bitez ordokiak
ta aietan diran guziak,
ikotu bitez dantzari
basoko zuaitz tantaiak!
Yainkoaren aitzinean,
gure Yauna eldu baita,
badator ospez beterik
lurra zuzen yaurritzera.
Baiki, Yaunak yaurriko da
lur osoa zuzenbidez,
lurreko gizendak oro
bere zintasun-arauez.
|