|
Erbiyari jarriyak
Bustin Balle
(Jarraipena)
Ala ere gelditu zan
Andre ori pozik
Egin etzionian
Gorputzian gaitzik
Etzuan ateratzen
Aren kontra itzik
Ona abilla zala
Alabatu baizik.
Erbiaren ertera
Zan ikusgarria
Txerriari bezela
Ballesta jarria
Igesi goitik bera
Ai aren larria
Ibar aldian bera
Or da etorria.
Ankan gisa muturra
Libratutzen badu
Oraindikan erbia
Ez diteke galdu
Eiztari oberikan
Billatzen ezpadu
Lengo parajietan
Pasiatuko du.
Erbia eraman nai
Gizon orrengana
Gizarajoa dago
Jan nai lukiana
Ura berriz igesi
Mendira juana
Ayek ezin atxitu
Ortan dago lana.
Erbi ar gorri bat da
Begiak larriak
Buztana motza eta
Luze belarriak
Egiten ditu salto
Ikaragarriak
Eztauka atxiturik
Atzo elbarriak.
Eiztari guziak nik
Ditut enkargatzen
Iņork orrelakorik
Badu arrapatzen
Presenta dezatela
Agudo Belauntzen
Egindako promesak
Kunplitu dezaten
|
