Erbiyari jarriyak
Bustin Balle
(Jarraipena)
Ofrezitu zioten
Kaballero bati,
Adiskide arrekin
Egiteagatik:
Poderosoa lagun
Atsegin da beti
Iñoiz ateratzeko
Nezesidadetik.
Erbi auk arrotuta,
Artu zuten gala
Bakarrik erregalo
Exkatxoa zala,
Gauza geyago ere
Bearko zirala
Adiskide egiteko
Gizon printzipala.
Erregalia orren
Añadidugarri
Altzan esneak bildu
Eta ziran jarri
Auzotikan marmita
Bai zuten ekarri
Danak eramateko
Kaballero orri.
Erbia zuten preso
Ustez segurantzan
Andik artzera gero
Andrea libratu eta
Ankak libratu eta
Bazebillen dantzan
Atia irikiko
Zion esperantzan.
Atea irikita
Jarri zionean
Agudo saltatu zan
Kontentu onean
Leyotik ere kanpora
Larritasunean
Pozik destierroa
Kunpli zuanean.
Basoko erbi eta
Pizti jeneroak
Kasta gogorrak dira
Ankaz aguroak
Ezpadira jarritzen
Ate seguroak
Begiak argi ditu
Prisioneruak.
Juezak agindu gabe
Egiña presoak
Bera erabakita
Erbian kasoa
Lotu eta etxean
Egon zan gaxoa
Antxe igaro zuen
Gau triste osoa.
Andre zuten fiskal
Au zan sententzia
Kaballeroaren etxian
Kentzeko bizia
Nobait aren kausan
Ala merezia
Baña libratutzeko
Izan du grazia.
Partira egin zuten
Ezagun adio
Kontenplazio gabe
Presa zan medio
Kalara ere estu
Pasa oraindio
Urrengo birajian
Ekarriko dio.
(Jarraitzeko)
|