|
Erbiyari jarriyak
Bustin Balle
Publikatzera erbi
Baten aizoak
Belaunikatzen ditut
Informazioak
Ondo egin ezkero
Esplikasioak
Komerigarritako
Ai zer funzioak
Erbi ori zebillen
Beti pikardian
Gauaz soroan jan da
Egunez mendian
Lapur abillen gisa
Malizi aundian
Iņork ezi luzitu
Aren guardian.
Bere gustoko gauzak
Gau illunez janda
Egunez gordetzen zan
Sasira joan da
Ankaz abilla berriz
Arrapatzen lan da
Komeririk asko
Arekin izan da.
Erbi argana zeuden
Guztiak koleran
Zergatikan zebillen
Askoren galeran
Lazoa para diote
Soroan sarreran
An arrapatutzeko
Bere etorreran.
Erbia etorri da
Lenengo garayen
Lazoan sartu eta
Gelditu zitzayen
Auzoko bat zegoen
Berriz atalayen
Andikan oztu eta
Ark eraman zien.
Aleluyak zituen
Etxera joatian
Danak juntatu ziran
Ixtillu batean
Nunbait ez ikusi len
Erbirik artian,
Larri ziran seguru
Jarri bitartian.
Egur bat sartu zioten
Aotik kurioso
Sokaz lotu ere bai
Muturra tieso
Ankak esku ta umill
Gelditu zan oso
Gero armariuan
Sartu zuten preso.
Modu ontan erbia
Lazotik oztuta
Jarri zuten muturra
Zankoak estuta
Gero prisionero
Barruan sartuta
Ustez ipiņia zan
Aseguratuta.
Iges egin beldurrik
Etzedukenean
Sosegatu ziraden
Kontentu onean
Pentsatu zuten ala
Jarri zutenian
Erregalatutzia
Bigaramonian.
(Jarraitzeko)
|
