Otsoen Malezia.
Bortuko Aitacho.
1
Otso multcho bat behin, gizon gisa bezti,
Zelhairat jeutsi ziren menditik beheiti:
Herritan, hirietan, legun eta ezti.
Jenden enganatzeko zabiltzan abilki.
2
Nahi bezala zuzten ikhertzen chokhoak,
Eta errechki biltzen gauza hautuzkoak:
Ardi, zikiro, bildots, oilo, oilaskoak,
Inoranten arteko oi, zer putikoak!
3
Egunaz zuzten ongi begiztatzen gauzak
Eta gauaz egiten yoko batzu gaitzak;
Gero besta, josteta, soinhu eta dantzak;
Aise tuzte demboran biribildu gantzak.
4
Ez du luzaz irauten gaizki dabilanak:
Khirets gerthatu zeizten ondoko egunak:
Besteren on guziak baitzituzten janak,
Garbi ezin atheraz han zituzten lanak!
5
Heien gaizkiez ziren jendeak ohartu,
Bai eta zombait otso kaioletan sarthu;
Beste zombait oraino kampoan gelditu,
Azkar denak auzia beretako baitu.
6
Orduan justizian egin zuten haro,
Gaztigatu beharrez obendunak oro:
Bainan zozitatea utzi zuten oso:
Hola gelditu ziren bethi berdin otso.
7
Orai ere ikusiz gaichtoen indarrak,
Dolugarri zauzkigu anhitzen nigarrak:
Nola gerthatu dira jendetan malurak?
Otso izan baitira Stavisky-tarrak.
8
Pertsu haukien funtsa huntara da biltzen,
Gure gora-behera zerk duen ibiltzen:
Jainkoaren Legia, ezpadute hartzen,
Bakea, justizia... oro dira galtzen.