Ama
Bodazarre, Pierre
1.
Ai! zer plasera, bost urthen bürian sor lekhilat ützultzia
Ene herria etsitü nian, zure berriz ikhustia
Aski sofritüz nik hanitxetan, desir nükian hiltzia
Ez bazüntüdan hain maite ukhen, o Ama Eskual-Herria
2.
Hanitxen gisa phartitü nintzan, etsarian güdukatzera
Gogua bero, bihotza laxü, eta kasik alagera
Ez bainakian, orano ordian, zer zen amaren beharra
Hari phentsa eta biga bostetan, aiher zitazün nigarra.
3.
Erresinola khantari eijer libertatian denian
Bena trixtüran higatzez dua kaloia baten barnian
Gü ere ama hala guntüzun, tirano haien artian
Zure ametsa kontsolagarri, trixtüra handirenian.
4.
Orhiko txoria da den bezala fidel Orhi bortiari
Üskaldün guziak gütutzu, ama zure zerbutxari
Alageraki lehen bezala, egin izagüzü erri
Ikhusten gütüzu othoitzetan zure arbola saintiari.
5.
Sorthü berriak, bere khunatik, lehen elhia du «ama»
Bere ilüsione ederrian, ez dezazüla abandona
Zure amodiuaz egar itzozü bizitze huntako phenak
Begira dezan azken hatsetan, azken hitza zure «Ama»