inprimatu
Erdiaroko hiri
Izenburua:
Erdiaroko hiri
Sinadura:
Borda, Itxaro
Urkizaren iruzkina:
Egilea(k):
Borda, Itxaro

Argitalpena:
Zeruko Argia.
Urtea:
1981
Argitalpenaren urtea:
Alea:
914.zk.
Orrialdea:
39

 

 

 

 

faksimilea ikusteko


Erdiaroko hiri

 

Borda, Itxaro

 

 Hiri hontako karrika zabal

 zabaletan ba nabila,

 Jenden artean dutan antsia

 hil dadila, gal dadila!

 Begiak hetsiz lasterka noa,

 nola ihesle abila;

 Ordea nere buruan haren

 usaina trostan dabila...

 

 Ahantz dezazket bizi nerean

 pasatu diren orenak,

 Txarrenak segur, baina berdinki

 oraindinoko onenak,

 Gogo zokoan begiratzeko,

 beldurraren zoro denak,

 Elkarrekilan erre orduak,

 kafe eta tren ozenak...

 

 Tren geltokiko ostatuetan

 hartu ditugu bi kafe,

 kafe beroak, kafe lasterrak,

 gozotasunaren labe;

 Azken hurrupa irentsi eta,

 bereztearen herabe,

 Bietarik bat abiatzen da,

 atzera so egin gabe...

 

 Hura joan da, eta ni nago,

 kai huts honetan bakarrik;

 Zizta senditu arren, zauritik

 ez dator negar zakarrik.

 Ez sustatzeko, errauts zituzten

 bihotzeko min zaharrak,

 Sendimenaren inguma beltzek

 ez dute pizten aharrik...

 

 Trena, hegotik datorren trena,

 kaiertzean da gelditzen;

 Zarata luze zorrotzak ez du

 ardatz zilarra etsitzen,

 Altzeiruetan moztu burdina,

 azkenez suaz hezi zen

 Eta oraindik hegoko trenak

 ez du ezer merezitzen...

 

 Kaiertze hura, bikote askok,

 luzamenez dute husten,

 Zein amultsuki bat besteari

 agurrak eran dituzten!

 Trena emeki partitzen dela

 haren soa dut ikusten,

 Dirudit nere zorionetik

 hemen dutala nik uzten...

 

 Berriz, hartuko nukela trena

 iparrera joaiteko,

 Erdiaroko hiri handien

 bihotzekn izaiteko,

 Hango errege bizardunari

 musu mila emaiteko

 Eta gaztelu hartan harekin

 gau baten iragaiteko...

 


inprimatu