Bertso berriak

Borda, Itxaro

 1

 Bertso berriak noa orain kantatzera

 guzieri egia gora erraitera:

 hemen jarririk nago gibela minbera

 ez jakin nola zikin eskolan papera

 auhertziri higatuz besten arabera!

 2

 Auhertziri higatuz hori da itxura

 lagunek erakusten dautate ardura:

 bainan etzaiteztela gaurkoan lillura

 aitamek ez bainaute ekarri mundura

 beti bili nadin lanaren mentura...

 3

 Nekaturik gizonak hiltzen banan-bana

 kabiar erosi ta hor xanpaña mana:

 aberats horiek ez nezaten engana

 sakeletan badaukat arrazoin andana;

 lehenik ez dela nik asmatua lana...

 4

 Matematik orduan ohi den bezela

 diote ni bertsotan aritzen naizela;

 ez dut nehoiz egiten eskolan horrela

 eta batzuek egun jakin dezatela

 erraiten duten hori gezur hutsa dela!

 5

 Jaz «zero» bildu eta aurten ostikoa,

 trufa baino gorago solnu betlkoa

 egia alor hortan nalz arras flakoa

 baina bakoitza baita den bezalakoa

 nere gogoa ez da sortu hortakoa...

 6

 Karkulan arltzean hone hor beldurra

 besteak alegera, ni aldiz uzkurra

 hertsia senditzen dut bet-betan zintzurra

 Jaunak balaut bederen arrestatzen lurra

 eta handik igortzen behako samurra...

 7

 Hona bospasei bertso gaurkoan, berriak

 ikasle batez neurtuz zuzen ezarriak.

 Hutseginik sobera joan egarriak,

 humil hartarik datoz bertso eseriak;

 haren lekuko ager ditzala «Herria»-k.