Beleak...

Borda, Itxaro

 Lurreko marmutxak irentsi beharrez

 Zeruan zalantzan badabil belea.

 Gizak ez ditezen ur egin negarrez

 Mokoan badauka betiko elea!

 Hegalak kurutzan, lumak otoitzean

 Ari da hitzemanez biharko bakea,

 «Bekatu da hori» dioke goizean:

 Gaua guziendako beltza ditakea?

 Euskal Herrian ere beleak balantzan

 Morala zaindu nahiz badoatzi dantzan:

 Jainko bat baldin bada gurea da lehen,

 In nomine patritan dute hitza galdu,

 Erromatikan zuten podorea saldu:

 Sekulorum ahapez, halabiz gu denen...