"Allez les verts"
Borda, Itxaro
1
Hiru edo lau bertsu oraian nahi nituzke kantatu
Gertakari hau, gure Frantziak nahi baitu ohoratu
Ta bozkaria gaitezen denak, populiak e juntatu
Behar baitugu, boza gal arte «Allez les Verts» oihukatu.
2
Larqué, Rocheteau, Synaghel, Lopez, Sarramagna ta Lacuesta
Bathenay, Piazza, Revelli biak, nolaz hauez ez guk maita
Jainkoak dira mutikoentzat eta Herbin heien aita
Guziek orai «Allez les Verts» ba, dezagun goraki kanta.
3
Oraitik haste utzi ditzagun euskaldun ta'skal herria
Frantzia du bai nahi gabean Saint-Etienne-k juntatia
Ikusi dugu, Joeffroy-Guicharren, frantsesa kirolaria
Ixil pilotak, xixterak bota, hauxe da gertakaria!
4
Muniken kontra, Sofiaren kontra, beti dira irabazdun
Ez da ikusten, mundu guzian, frantsesik bizi bai egun
Rocheteau ojan da, balioarekin, hortako baizik ez da hun
Tanto bat gehio, berdeendako, «Domi» ederki hobendun.
5
Frantsesak dira, mundu hunetan, uros oraian biziko
Saint-Etienne baita, geroan beti, xapeldun handi elkiko
Revelli biek, ta ere Larque-k, esperantza ezarriko
Kurkovik-ek, baloia bi eskuz, du segurki atxikiko...
6
Frantsesak dira, xoraturik so, ta eskuak kurutzean
Berde taldeak, zer inen duen Eindhoven-en aintzinean
Ta irabazten balinbadute, kanta dezagun batean
Gara Saint-Etienne, bakar zirezte, lur huntakoi xapelgoan.
7
Ixil pilota gelai mutillak, so egin telebixteri
Europa kopa, urre pollit hau, behar dute irabazi
Herri bat dela, gure Frantzia, bai erakuts arrotzeri
«Allez les Verts» bat, juntaturik gaur, gara dezagun igorri.