inprimatu
Ahetzeko Mattini
Izenburua:
Ahetzeko Mattini
Sinadura:
Borda, Itxaro
Urkizaren iruzkina:
Egilea(k):
Borda, Itxaro

Argitalpena:
Herria.
Urtea:
1977
Argitalpenaren urtea:
Alea:
1405.zk.
Orrialdea:
5

Ahetzeko Mattini

 

Borda, Itxaro

 

 1

 

 Bihotz ateak zabaltzen dira nahi bada Hitzarekin

 Sua iduri muga guziak erretzen ahal harekin

 Bertso itea on dela beraz aspaldi danik dut jakin

 Hortakotz nik e bide berdinak hartzen ditut lumarekin.

 

 2

 

 Bertsolaritza ari zerauku urte hotan aberasten

 Xaharrekin bat gazteak ere hor dira bipilki hasten

 Aska hitzaren mezulariak baititut beti miresten

 Lehen bait lehen abiako naiz Mattin Treku-ren goresten.

 

 3

 

 Lapurdin daude herri pollitak bai eta ezagutuak

 Hemengo ziren itsas errege deitu lapur famatuak

 Larrun gainetik aditu dira leminen soinu kantuak

 Zeren Ahetzen Mattinek ditu erro ta toki hautuak.

 

 4

 

 Gur'Euskal-Herri menditsu huntan ba dira leku trixtiak

 Bainan Lapurdin holako guti lagundurik eguzkiak

 Urrungo bixta pentze, mahasti, zonbat bihotz pitzgarriak

 Pozetan diot «Nolako toki ta halako nagusiak!»

 

 5

 

 Bertso milaka Xalbadorekin gure Mattin-ek eman du

 Haren gogo zoin samurrarekin arras ontsa zen konpondu

 Izanik ere hain desberdinak, bien artean ez zen mundu

 Xalbado atzo zendurik eta Mattin zauku alargundu.

 

 6

 

 Kanta zuk, Mattin, oraino luzaz zure boz ozen horrekin

 Euskaldun haurra jostatu dadin irria ezar erregin

 Bestak omore ta arrakasta du Mattin-en bertsuekin

 Izpiritu bat erne ta bizi denentzat baita atsegin...

 

 7

 

 Euskal-Herrian Mattinek ez du nehoiz izan ez parerik

 Bai dohainaren aldetik eta bai hoin ttipi gelditurik

 Zahar ta gazten, haur emazteen, ba du denen denetarik

 Irri'turria heldu da beti Mattinen ezpainetarik!

 

 8

 

 Mattinek baitu bere bertsotan botatzen euskal oldarra

 Hura iduri hamar bederen bagindUle guk beharra

 Biba zu, Mattin, bertsolaria biba Mattin Aheztarra

 Gaur segur gira biziko dela lerden ipartar abarra...


inprimatu