Pobriaren suertia

[Vilinch]

 Beste alibiyorik

 Pobriak ez daka,

 Negarrez jayo eta

 Bizi arrastaka;

 Galtzarbian, kolkuan,

 Nun-nai arraskaka,

 Erropetan koipia,

 Zikiña ta kaka.

 Jendiak ikustian

 Artutzen du nazka,

 Danak pasatzen zaizka

 Ondotik presaka;

 Nai baldin badu ibilli

 Kalian jiraka

 Ateratu orduko

 Echetikan anka

 Mutill chikiyak ditu

 Atzetik millaka,

 Azenariyo eta

 Patata tiraka;

 Zakurrak ere asten

 Zayozka saunkaka,

 Aberiak tiratzen

 Diyote pullanka,

 Danak, kristau ta abere,

 Guziyak chandaka,

 Gisarajua dute

 Ibiltzen burlaka,

 ¡Batek obe luke izan

 Pobre bañon kaka!