inprimatu
Kontxesirentzat
Izenburua:
Kontxesirentzat
Sinadura:
Bizkarrondo Ureņa, Indalezio (Bilintx, Vilinch)
Urkizaren iruzkina:
Egilea(k):
Bizkarrondo, Indalezio

Argitalpena:
Bertsolaria.
Urtea:
1931
Argitalpenaren urtea:
1
Alea:
1.zk.
Orrialdea:
5

 

 

 

 

faksimilea ikusteko


Kontxesirentzat

 

Bilintx

 

 1

 

 Kantatutzera indar aundiko

 desio batek narama,

 Kontxesi zuri nai dizut eman

 mereziya dezun fama:

 gure probintzi Gipuzkoakuan

 igualik gabeko dama,

 berinkatuba izan derilla

 zu egin zinduben ama.

 

 2

 

 Zedorrek uste etzenubela

 egon nitzaizun begira,

 lendabiziko oņetara, ta

 urrena berriz gerrira;

 oņak dituzu txiki politak,

 gustagarriyak txit dira,

 gerriyak berriz eman litzazke

 kana bat zintak bi jira.

 

 3

 

 Andik urrena ipiņi nizun

 erreparua petxura,

 ordubantxen bai eman nizula

 aingeru baten itxura;

 Jaungoikoak berak deitu izan bali

 iyo nerilla zerura,

 zure ondotik ara juan biarrak

 emango ziran tristura.

 

 4

 

 Ondoren jarri nitzan denboran

 begiratubaz lepora,

 biyotzak salto egiten ziran

 irten nayian kanpora.

 Irten ta zuzen badakit zierto

 juango zan zure kolkora;

 nik jakitera nai zenubela

 utziko nion gustora.

 

 5

 

 Atenziyua begiyetara

 paratu nizun segiran,

 ez dakit zierto begiyak oro,

 eguzki berri bi ziran;

 ondo ikusi ez nizkitzun ta

 ŋnola esango det zer diran?

 Begiratutzen nizun guziyan

 bista kendutzen zeniran.

 

 6

 

 Ille beltz eder dizdizariya

 oparo dezu buruban

 konparatzeko baliyo duben

 sedarik ez da munduban

 Trenzak egiņik zenekan dana

 erregiņ baten moduban;

 diamantezko koro eder bat

 falta zitzalzun orduban.

 

 7

 

 Ointxo politak, gerriya mia,

 graziya milla petxuban.

 lepo biribill diruriyena

 egin berriya tornuban

 pare gabeko begi argiyak,

 ille ederra buruban:

 zu baņo aingeru politagorik

 ez da izango zeruban.

 

 8

 

 Beti ariko naiz Jaunari eskaka

 ondo izan zaitezela,

 etzazula uste nere biziyan

 zutzaz aztuko naizela.

 Eskumuņak maiz bigal nazkitzu

 orain artian bezela;

 ainbeste egin biar dirazu

 penaz ilko naiz bestela.

 


inprimatu