Amerikako bizitza
Txirrita
Europatikan askok egin du
Amerikara bixita
etxe onian jayoagatik
danak an ezin bizi ta
lana egiñaz aberastuak
dabiltza ondo jantzita,
gaur ez lituke ezagutuko
beren amak ikusita.
Ni ezagutzen nituan zenbait
Amerikara juantzian
gu emen asko gauden bezela
poltsarik ariñ antzian
ta orañ beiriz pasiatuaz
lujo aundiko kotxian;
gaur gizon batek eztu jakiten
bestia nola bizi dan.
Andik onera ezin liteke
diru askorik bialdu,
bat bera nola gertatuko dan
segurantzirik bai aldu?
Ameriketan aberasteko
eztira basta bi ordu
an ere zenbait izango bada
berak sayatu biardu•
Ameriketan euskaldun asko
dauzka begiyak arbiyak,
an daude bere aziendakin
mendi ixkiñan jarriak
izanagatik eunka beyak
eta millaka ardiyak,
urte batetik bestera igual
galduko zaitzka erdiyak.
Ameriketan asko dabiltza
nik kalkulatzen dedanez,
naiko okelak janagatikan
erari gutxi eranez,
gure sagardo maitagarriyak
aparte daude esanez,
nayago nuke an banegoke
naiz diru asko izanez.
Lagun prestuak aldamenetik
trankilidade onian
okela jan da ura eranez
arliteke lanian;
nere biyotza konsolatzen da
au pensatzen dedanian,
pena guziyak aztuko dira
aberazten geranian.
Mutlll zuitzuak Ameriketan
sobra lezake dirua,
ura daukanak seguratzen du
mundu ontako zerua,
andik aurrera nun nai badago
dibertitzeko modua;
toki on asko badira baño
Donostiya da burua.
Amerikatik baldin baletor
gizon bat ona ta fiña,
baren lanaren sakrifiyoz
diru puska bat egiña
parientiak bisitatzera
ark dakarren atsegiña
allegatzian eztu faltako
ondo zeñek itz egiña.
Nayogatikan oyek bezela
ez dau errez irauten,
denbora askuan bajatu gabe
mendiyan dira egoten,
ango langille jendiak eztu
ardo askorik edaten,
arren ederrak ez dakit nola
konserbatutzen zeraten.
Len esan degun indianua
allegatu da etxera;
ama gaxuak laister altxa zan
ari lepotik eltzera,
esanaz: Nere seme maitia,
sano ta ondo altzera,
kristau biziya nekez bezenik
nunbaitetik azaltzera.
Bai amatxo, bai aguantatudit
osasuna ta biziyak
nerekiñ ara juan ziradenak
ez daude onela guziyak,
baditu aski lagun maitiak
ilda lurpian utziyak,
nerau txit ondo ibilliya naiz
Jangoikoari graziyak.
Gizon prestuba etorri zaigu
onrradua ta lasaya,
lenago ere etzan izandu
fameliaren etsaya;
dira puska bat aurreratu du
badauka naiko sasoya,
gure auzoko neska zar batek
laister artu du usaya.
Mandaburuko indianua
etorri omen den neska,
atzo nigatik ibilliya da
soltera nagon galdezka,
laister emen den pretenditzera,
¡ai! au demontrezko festa,
¡ai ze trajia egingo nuken
aren diruba baneuzka!
Ark berrogeita bat urte dizkin
nik ogeita emezortzi,
urrezko erlojuba emen zaukan
bere kate eta guzi,
erretratorik ere ez diñat
juan zan ezkero ikusi,
baña egingo diyo danaden
biartzen banau ez utzi.
Nik emezortzi urte nituen
ura emendik juantzanian,
geroztik beti etxe batian
jardun omen da lanian.
Buenos Aires'tik urruti gabe
Plata'ko aldamenian
amabi milloi bankuan dauzkan
euskaldun baten mendian.
Gure izeba Prantxika Antonik
onela esandu lenguan
Mandaburu'ko indianua
nola topo egin duan
par-irri batek itzuli diyo,
zerbait bazeukan goguan
buru zuritzen asi da baño
¡ai zer mutilla dagoan!
Izeba neri ez dit inportik
naiz izan erdi zartua,
gazte txorua baño obe det
juiziyuan sartua,
dira piska bat baldin badauka
egingo degu tratua:
ia mutillak ekarri lasai
baziok zeñek artua.