Irribarre ta lore
Bilbao, Antonio
Maitea, ames daigun batera,
Muste zoragarri bat baiatorku
begien aurrera.
Ara, une batean,
bizitzak daukan ederra.
...Musker dago bazterra,
zugaitzak ler-bear,
Pozaren barria ugalduz
loreak apaingar.
...Lotskor eta bikain
kuruntzun-lorea:
birjin baten jantziaren
lotsea dirudi...
Ara non makatza:
ur garbien bitz zuria gorantza...
Sortegun den, maitea,
izate orok barnean daukan
indar ta zoramen...
Izadi oro baitago bestan:
-gaur egubarri-!
ale asko sorturen
laztan bizitzari.
Poztu bitez, maitea, zure begiak
Ederra baitogu jauregiz,
izadi guztia eliz,
solas gaitezan maitemin!
...Larros botoek girri,
argi-bera larri,
ler adi lore,
eguakide gar guri!
Ortzipean dator gurpil arrigarri
izadi-mirariaren
sorkun eta arri.
Zugaitz orri barriak
irri, irri, irri,
augaitz gainburuak
eguzkitan igeri...,
orri aizetuek kili-kili.
Atsegiña bada goizeon ugari.
Txortak ikas dabe ikas
ainbat zoragarri,
txindorra goizerik,
arat-onat iolas,
abes Bizitzari.
(Lorak eta bedarra
sortzen sarri-sarri...)
Lillura zoramen bat
intxaurrondo loretan,
irribarrea dirudie
alako begi orietan...
Egazti-piztiak badakie
maitasuna zer dan:
kukua aristietan,
lantzarrean txirri-txirri...
(Bizidun oro sentitzen da
gaur olerkari...)
Arnas andi bat dago
alder guztietan...
Bizitza den, maitea,
bizi-gura andi,
bedar, zugaitz, sasi,
solo, lantzar, lorea,
ta Izadiak Izadi.
Lantzar onen erdian kerizea,
keriz eder paregabea...
Edan bekie, maite, zure begiok,
keriz onen lillurea,
begira zaitudanean
zoratu daitezen neuriok...
Bestalderantz su, sotondoko sagasti,
lora-atsegiñetan
zu zara nagusi.
Aurrian naukazu,
zoramenaren arian,
su gurtzera urtenda
arimea begian...
Sagasti zuri, sagasti geldi!
Altzo bete lore aidean.
Nork jarri ete orren lore
zure amantalean?
Sagasti zuri, sagasti geldi,
poz andi baten jaztiri,
milla txibirita alboetan
dagoz zure adi,
milla tzimelet zure oiñetan...
Nor zaitugu, sagasti zuri,
ametsen erditse zoragarri,
ederraren berpizte?
Emazte gaia, nonbait, bitxiez jantzita
senar gaiaren adi?
Nor zaitugu, sagasti lore?
Ezkontzan zatozan
Jaunaren mirabe,
ala Jaunartzera datorren
Zorionaren ume?
Nor zaitut Zu, Ederra,
uso zurien algara,
uritturren edurrite,
lora andi baten auste,
loraen eurite?
Geldi nai zaitut,
irribarre ta lore,
lora nai zaitut azkengabe,
gurtzen zaitut Eder-une...
|