Charmagarriko phestak gintuen herrian
Bidarraytar bertsularia
1
Charmagarriko phestak gintuen herrian
Ederki libertitu moda zaharrian
Biba, Biba Bidarray bethi Eskual-herrian
Batasun gaitza dute zahar gaztan artian.
2
Kayalkada bat izan da handizki propia
Choragarri zen hango jendia ikustia
Hedatua zen fama zela phesta handia
Arras satisfos joan da etcherat jendia
3
Kurrierak han ziren depechen ibiltzeko
Herriko jendiaren fite abertitzeko
Nehok ezbaitzakien zer zen gertatuko
Pestaran ikusterat guziak joaiteko,
4
Jenerala kapitaina Ofizierekin
Hiruak ainzinian zaldiz beren andriekin
Zela bridak distiran krabestuak urrekin
Jendia choratua beha plazerekin
5
Plazan dantzan sarthu dira guziak lorian
Herriko jaun mera zen han denen hurian
Guziek laudatu dute bere charpa gerrian
Bandera ere han zuten denen erdi erdian.
6
Hanche ikus garri ziren gero dantza jauziak
Eskual herrian ikus ahal suerte guziak
Etzituzten beren zainak segur etchian utziak
Aise egiten zituzten itzul eta jauziak.
7
Lau hogoi gizon ziren kaskabot beztituak
Athorra ainzinak distiran urrez garnituak
Chinchila eta chingolaz ziren fornituak
Zahar heien dantzakziren gaindi soberatuak.
8
Jaun jujea han zagon tribunalian chutik
Bi abokat bazterrian eiten badu hutsik
Oraiko audientzian ez da izan deusik
Uchera arribatu zaio, nehon ez da fitsik.
9
Ordian hari dira kantuz bi koblari
Heien bozkalentzia hain zen irringarri
Eman ere dituzte hainitz bertsu berri
Nahiz ez duten egin ka terik nehon.
10
Biba Bidarray eta Biba Eskual herria
Libertimenduentzat da gostu handia
Nehon deus gertatzen bada berriz hasiko gia
Segur ez da fini izanen hemengo komedia.
11
Ederki phesta egin dugu libertitu dena,
Norbaitek enkas balu bihotzian pena
Menturaz berak duke hoben gutiena
Arrangurarik duena jin bedi ni gana.
12
Bertsu hautaz nahi nuke denek balute plazer
Nihaurek nahi ez dudanik ez dut eiten bertzer
Osagarri onian niz Jainko maitiari esker
Gaitz gaichtoak jinen zaizku nahi bezen laster.
13
Bertsu hauien emailia nahi lukete jakin.
Gero jiteko eni burruz heren arrangurekin
Bidarrain bizi nuzu ene familiariekin
Sekulan samurtu gabe ene emaztiarekin.
