Zer gara?

Bidaguren, A.

 Gu gara lur naroa, mamin gordin, illobia;

 ainbat azur t'aragi barrien kolko epela,

 beste bizi askoren garau pittinen kabia

 t'argi moldura barri ororen buztin ustela.

 Auxe da illengandik artu dogun erentzia,

 lurraren erreinutik datorkigun agindua

 betiko gal ez daiten biotz barrien azia

 ta betiko mututu izadiaren kantua.

 Gure odolak dire uraldi berrien ibai

 ta illek emondako-esnez beteko enborra

 dabilkigu pozarren eztegu zoroetan jai

 aragi t'azur barriz beteko ordu illezkorra.