Uste dozu ugartea zarala
Muniategi, Sabin
Uste dozu ugartea zarala,
auts pitsa, izpia,
bat geiago,
ontzi izugarriko bidaria.
Ba-zenki nire ixillaren barri
bazenki...
Ixil nago
barrenki
baiņa, nire neurtitzen goitar
iņurritegi zabala da
osotoro
jariotzen, isuritzen dana
illargi ta zitorizko murkoak lez
ta, zugatzteri bat da gaņezkatzen
nire gogo-ertz bakoitzean
ta eskuetan
dxataz jaiotzen
usain gozodun larrosak
ta dot zure izena egaluntzen
arrigarrizko usoen egoetan
eta, zuk...
uste dozu ugartea zarala,
auts pitsa, izpia,
bat geiago.