Oi gure poeta

Bidaguren, A.

 Aspaldi abil guregan egada bizian

 gorroto gako olatuek lez itxasandian.

 Ire odol zulotuen iturri gorritik

 ator, amilura garden, ixildu ezinik.

 Ba ator i eure erreinutik bertsoz bertso egaz

 ain maite euazan maoen usain gozoekaz.

 Ezpanetan loretu yak burdinen goria

 krabelin gorri eginda berunen azia.

 Goizalde batez aldendu intzan i betiko

 izarra lotsa zanean illik i ikusteko,

 igetargia zanean dardara geldoa

 ozin gorriko agoni tristean itoa.

 Maiteak muxu induan ezpanean ezean,

 gorrotoek -berun gori- ire bularrean

 barrura yaazanean odol gorri-joten.

 Balbea poeta gazte maitalea omen.

 Marrubien lurraldera intxakun i joan

 su eta burdinetatik kanporako loan

 eta andik atorkigu gaur izarrez beteta

 ain aundi eta maite eugun: OI GURE POETA.