Lo garbia
Bidaguren, A.
Bere oin arinetan zeru urdinen agurra
ara no datorkidan egunik ederrena
usainik gozoenaz betetzen nire lurra,
kriskitin ta kriskitin argi-dantza gurena.
Aldendu yat beteko arrats latzen apurra
t'alperreko ainbat goiz utsen burutapena.
Au eguna txukatzen nire otzen limurra,
esne bitsez beteko egun zuri gardena!
Ta argipean zein pozik ni murgil eta murgil.
Sakonaren kutsuak olatuetan birrin
nire kate ausien erdoi gorri zitala.
Egun barriak bere izaretan nau bilbil
ta izurdurotan bai nire loak atsegin,
argi izpien ogean, lo garbi ta jabala.