inprimatu
Izen donea
Izenburua:
Izen donea
Sinadura:
Bidaguren, Angel
Urkizaren iruzkina:
Egilea(k):
Bidaguren, Anjel

Argitalpena:
Karmel.
Urtea:
1989
Argitalpenaren urtea:
Alea:
2
Orrialdea:
109-110

 

 

 

 

faksimilea ikusteko


faksimilea ikusteko


Izen donea

 

Bidaguren, A.

 

 Esku odolduetan zizela,

 mailu goriek golpe ta neke,

 etsi gabe, landu gura neuke

 ene itz ain labur ta totela.

 

 Eta bertsorik bertso erromez,

 ama lur onen aintza ta pena,

 etsipen eta itxaropena

 gura neuke nik gaur kantuetan.

 

 Neure aragi t'azur gunetan

 senti oi ditudan amets zoro

 t'arimako kilikili oro

 gura neukez nik gaur kantuetan.

 

 T'odolean ditudan saminak

 bertsookin ito gura neukez,

 borbor larregien eraginez

 zain erietan kabi ezinaz.

 

 Ene ama Euskadi zaarra,

 erri done ta pekataria.

 Itxasoa, burdina ta arria

 zure sustraietako indarra.

 

 Iru egiotan errotua

 - inoiz pozez ta sarri larria -

 zure arrazoien miraria.

 Maite dot nik zure pekatua.

 

 Gure indar ta kemenen sustrai

 ta zoragarrizko arnas-aldi

 ene arbasoen lur, Euskadi:

 Zeu zaitugu fedearen errai.

 

 Zuregandik dot dodanik dena,

 inoiz merezi bako saria.

 Azurretan daukot irarria,

 ene ama lur, zure izena.

 


inprimatu