Genesis
Bidaguren, A.
Asieran bakarrik zan maitasuna
Aita Jainko betikoaren lurruna.
Misterioen leen aldi aroan
naasmen-moltzo biribil bat zan lurra
ta bere sabelaren erosta latzak
laņoagotzen illunaren gallurra.
Asieran bakarrik zan maitasuna
uts beteriko biotzaren taupada.
Leze sokondo guztietan ebillen
Jainko betikoaren aize bolada.
Uts batean dana zan eremu baltza,
argi izpirik gabeko erreinu illa,
su biztubakoetako auts artean
gaua ebillenean goizalde billa.
ITZAREN durrundia entzun zan arte
ezaren kolkoan dana zan illuna
ta trunbillez beteko oyu larria.
Asieran bakarrik zan maitasuna.
Baņa; bat-batean igo zan zerura
-milla koloredun zirimol sutua-
illunaren epelean sortutako
egunaren leen txilinen doinua.
Ta zerua zabaldu zan erdibitan
ta bere erraietako uraldiak
urre argi orietan bil ebazan
naasmen baltzeko zirkillu guztiak.
Ta betiko galdu zan ondatuta
eza eta uts betearen orpoa
urandi dizditsuetan murgilduta
betiraunaren lurrunetan itoa.
Eresien euria asi zan gero
izarry'argi guztien dantza suduna
miraririk ederrena agurtzeko:
Buztin oria loretu zan eguna.