Bizia
Bidaguren, A.
Zer bizia? Alboalboka doan itzala.
Ardo mozkortiei darioen lurrun utsa
Lozor zoroek biribildutako ametsa
Itzal, lurrun edo amets. Bai eder ba dala
Bizia zer? Goiz orotan entzuten ez ala
zorion-taldeek, lauionkan, dakarren otsa:
Orixe bizia. Zaldi zurien oinotsa
Arin zorook dakarren pozaren atala
Maitasunaren aragi-mamin da bizia,
itxaropenak umotzeko magal naroa,
izar zuriei darioen argi-azia
Bizia zer dan? Galdu bear ez dan aroa
Pozaren lanbro, tantaka zerutik jaisia
Bizia? Goikoaren maite-une eroa.