Arbolape itzela

Bidaguren, A.

 Oi ene eguzkitxo, izpi pittin nekatuak

 illuntzean motel-motel mendi gibelera.

 Danak doakidaz ixil ozen sakonera

 andrerik gabeko maitasuna lez galduak.

 Baso bakartian illun mordo birrinduak

 darioz gauari adar ixiletan bera.

 Tantaidi itzelean azur-maminek minbera

 goizalde barririk argituko ote zeruak.

 Mendiz beteko zeruen ez dakust izarrik

 t'ulu arteko bidean illergi-zidarrik.

 Nere esku bi batuetan biloiz yat eguna.

 Bakarrik dakust, ikaraz, aizete zolia,

 amildegi sakonean zeru irulia

 eta bi begi aurrean jabildan illuna.