Chakur karlina
Gétharu, Bethi
1
Chakur arrotz karligna bat
Ethorri zauku herrirat
Ahakinen ikusterat
Heyen ondar garbitzerat;
Goiz huntan jin zaut atherat
Chingar-tripot usnatzerat.
2
Buztana du bihurria
Bizkarra gorri gorria
Muthurra luze, yalgia
Sabela mehar, hertsia;
Iduri du acheria
Enganatzen ikasia.
3
Yadanik ezagutuak
Dauzka hemen ostatuak
Haragi beltz ustelduak
Hezur zahar usainduak
Behi tripa kinotsuak
Ihesten ditu potchuak.
4
Sagua bezain abila
Chakur herresta chirchila
Zokoz zoko badabila
Yanhari zikinen bilha;
Ni banintz hiri mutila
Hauts nezoke mustipila.
5
Ichilka, gau ilhunetan
Sartzen da gure barnetan
Oihal, zilhar botigetan,
Conseiluko biltzarretan
Nechka gazte bilkuretan
Musika den tokietan.
6
Nihork ez dio balaka
Sobera baita kilika;
Laster hasten da champaka
Mutikoer ausikika;
Haurrek, beldurrez, kalika
Pasatzen dute karrika.
7
Asko dire sinhetsitik
Debruak dela harturik
Satan degula yeutsirik
Chakur larrea yauntzirik;
Andre guziak lazturik
Etchean daude geldirik.
8
Nolaz da hunat erori
Chakur karlin maltzur hori?
Nik erranen dut orori
Ez naizela fida horri.
Beharko dugu igorri
Hemendikan buztan gorri.
9
Entzun duanaz, Narisen
Chakurrek tuzte trebatzen;
Poliziaren laguntzen
Han dute bertan ikasten
Gure potchua Bordelera
Nik uste gisan liteken.