O... zer une zoragarria!

Berroa, Alejandro D.

 Odoiak legun, Zeru urdiñ,

 Eguzki printza argiak;

 Leen ez bezela miragarritsu,

 Gorriturikan mendiak;

 -Itsas zabal soro ta arbol,

 Lora usaitzu guztiak;

 Urrez egiñak baleude modu,

 Egun sentitik jantsiak.

 ¿Noletan ez gaur, goiz goizetikan,

 Aur-fiñ orrenchen begiak;

 Diz-diz egiñan azaldurikan,

 ¡Ain beltz... eder ta... guriak!

 -Jarri baiditu giro orretan

 Edertasunez loriak;

 Odoiak, Zeru, itsas, ta lurra,

 Zoragarrizko Mariak?

 ....................

 ....................

 ¡Zerutik itzul usoa gisa,

 Egan etorri ote, dan,

 -Lurren gaiñ bizi geran guztiok,

 Ipiñi gaztu daudetan!