O... nere gaste sasoia!...
Berroa, Alejandro D.
Goizean goicho egun sentian
esnatutzen naizenean,
sentitzen det oi aspalditikan
nere biotz barrunean,
iristetasun bat samiñ garria
artu naubena mendean
-¿Zermisterio dadukazu or?
galdetzen diotanean;
Argati beela oroiturikan
gaste sasoisko denbora;
kupitzen naiz gaur nere biotzez
¡Zertan jaio zan mundura!
oroitz zar-zarrak pistutzen zaizkit
irichirikan zentzura;
-¡O... zein estitsu joan zizaitan
beste nunbaiko lekura;
nere gozazko atsegiña ta
amets-garri eder-ura.
Gastetasuna joanikan urrun
uste bagean berela;
jolas alaiak astutu zaizkit
eta dirudit ergela;
ningandi alde egillak dira
kupiturikan daudela;
itz legun duben galai gasteak
boltsaturikan bezela;,
¡O... neska zartzak daduzkan penak
eskon gai orla daguela.
Senbat gauz guri oroitzen zaizkit
mugiraz biotz erdian:
garaicho batez nola niñuzten
erabillazten aidean;
galaiak chit oi zoratubearrik
oso umore onean;
larrosa gisa gorriturikan
eta esanaz bidean;
¡Agur... panposa... agur... maitea!
nigan alkartu naiean.
Ala bai, nuben gorputz liraña
gerria ere estua;
begi urdintsu chinpargarria
chiki polita abua;
oñak maramen modurakoak
ille gorridun burua;
orrasturikan trentza ederrez
ipinirikan korua;
lirio en giza usai gozoaz
betetzen, nuben mundua.
Baña... gaur nago basterretua
barrun ta kanpo sufritzen;
bakardadea da nere lagun
penak ez naute utsitzen;
gorputza gogor oñak oi nagi
lantegi marra mugitzen;
"Zangurru" gisa alatsu nabill
baster guziak lotsatzen;
eta gasteak ikasirikan
nizaz dirade chungitzen.
Neure begira malkoa dator
biotz barrundik negarra;
¡O... gure Jauna!... lagun nazazu
egor nazazu indarra;
zu bakarrikan maite det gaurtik
zu zera nere senarra;
zuretzat dauka neure biotzak
amoriozko chingarra;
-¡Orra danboraz zertaratzen dan
garai bateko ederra!