Agate deunaren eskea
EEEEEEEUUUUUP!...
Goratu daigun Agate Deuna
biar da bere eguna,
etxe ontakoak izan bezate
pakea ta osasuna.
Koplaren bertso bakoitzari, esku-soiņu eta panderoaren doiņu alaiean, onela erantzuten zizkien abeslari-taldeak:
Abestaldeak:
Artzekorikan ez degu baiņa
atera gera eskera,
usadioa galdu ez dedin
Santa Ageda bezpera.
Koplariak:
Orain milla bat urte pasiak
Santa Ageda jaiua,
Euskalerrian artu genduen
onen oitura iaiua.
Bertan jaioa bezela maite
deguna Euskalerrian,
gu orregaitik gabiltz gaur ere
leengo oitura zaarrian.
Irrintzi doiņu bat entzuten da
kaleetan gaur illuntzian,
gure leenoko asabak ere
berdin ibilli oi-ziran.
Santa eskean jarrai bear da
leenago bezela berdin,
gure Aitorren Izkuntza Zaarra
golpian galdu ez dedin.
Gaur zer arazo daukagun ere
azaldu nai-nuke itza,
gure erriko ikastolari
dirua biltzen gabiltza.
Nagusi jaunari:
Sendi eder au agurtutzeko
asi gaitezen kantari,
gabon Jainkoak ta ongi etorri
leendabiziko denari.
Nagusi jaunak bertso batzuek
ondotxo ditu merezi,
gizon jatorra da ori eta
koplatzen bear det asi.
Oraintxen ere ondo bizitzen
zuk badakizu munduan,
denbora geio pasatzen dezu
etxean baiņo kanpuan.
Kafe, kopa ta purua artu
lasai jokatu musian,
zuk orrelaxe pasatu dezu
zeure denbora guzian.
Len txarra baldin bazera lagun
ontzeko ezta berandu,
munduan gaizki portatzen danak
San Pedrok konponduko du.
Urrengo txandan etxeko andrea
kopaltzen bear det asi,
au baiņo andre jatorragorik
ez ditut sarri ikusi.
Etxeko andreari:
Etxe ontako etxeko andrea
guzaz besua zabaldu,
borondatea dagon lekuan
esperantzarik ez galdu.
Lore politak bota ezkero
dena dago barkatuta,
Ama Birjiņa ematen dezu
aurra lepuan artuta.
Ainbeste diru zertako degun
zu ezaitia kezkatu,
zeiņek emona egon ezkero
badago zertan gastatu.
Etxeko alabari:
Pentsatutzen det koplatutzia
emengo neska liraiņa,
badakit zerala oso guapa
alaia eta apaiņa.
Nobiorikan baldin badezu
arek badu alderdia,
zu bakarrikan zera munduan
arrosa arantz gabia.
Prenda polita zeralako zu
mutil gazteak atzetik,
baiņan ez zaitez geiegi fia
oiek dakarten itzetik.
Nere lagunak or ari dira
dirua biltzen poltsakin,
zenbat pixura iritxi ote da
nik ori nai-nuke jakin.
Emen limosnak artu ditugu
eta ixildu gaitian,
eskerrik asko zuen limosnai
agur beste bat artian.