Bertsolaririk aditu gabe
Berro, M.E.
Bertsolaririk aditu gabe
luzaz egon baita Aldude;
errezibitu nahi zituzten
guk egin gineen galde;
erantzunean aldudar gaztek
erakutsi zuten fede,
«lanean parte hartzeko ere
nahi baduzue prest gaude».
Ekain guzian bai euskarari
oihu egiteagatik,
Ezponda eta Xanpun gintuen
etorriak Lapurditik;
Xalbador, Alkat, Arrosagarai
Mendiburu Nafarrotik,
Mendizabal ta Olalde aldiz
Itsasondo ta Zestutik.
Zuek, Olalde ta Mendizabal
Alduden izan zirezte,
Hego aldean entzule frango
hemen nehoiz ez da hainbeste;
zenbatetaino ongi kantatu
duzin jendek badakite,
pilota leku hura osoan
errexki litaike bete.
Lehen aldikotz, kantaturikan
zuek biok Nafarroan,
orroitzapen bat goxoa sartu
da Aldudarren gogoan,
zortzi koblari heien artean
gaztenak zineztelakoan,
ahots finaren entzuteak e
man gaitu bozkariotan.
Bertsolariak zirezte eta
dohain ederraren jabe,
lenago ere ez zinaizketen
horren lantzeko herabe;
bertsolaritza nola maitatu
zuen idurikoak gabe,
Ipar alderat noiz etorriko
zinezten berriz zai gaude.
Gipuzkoatik Aldude urrun
delakotz zuen arrangura,
zen joaitea, berandu gabe
muga tzar hura pasatzera,
deliberatzen duzuenean
jitea gure herri aldera,
ez gibelerat itzuli sartu
gabe «Lakaren» etxera.
Ahal bezala ene moldean
nahi zintuztetan goretsi,
lanari esker hobetzen da ta
txalo dezute merezi,
berriz ikusi ez ziuztetano
bihotzetik diot: «goraintzi»
bertze aldi bat artio eta
bertsolaritza ez utzi.