Loreskin tantak

Berri

 I

 Loreskin-nota gozoak

 Udazken-goiz emean,

 Landetxeko neskatilla,

 loreskin zaharrean,

 «Oñazez» ari da jotzen,

 areto nagusian.

 Ai, loreskin, loreskiña,

 ai, loreskin nerea.

 II

 Goiz eguskitsu ontan

 ezta entzuten besterik:

 aizeak edatzen tantak

 -loreskiñanak noski-

 eta menditik datorren

 iturritxo kantari.

 Ai, loreskin, loreskiña,

 biotzeko loreskin.

 III

 Urrutiko ariztegia

 sutan dala iduri,

 izerdi gabeko ostoak

 iltzera ba-doazi.

 Lengo abaro berdea

 urre gorriaz jantzi.

 Ai, loreskin, loreskiña,

 loreskin maitagarri.

 IV

 Burnigorrizko garoa,

 goietan ebakia,

 xiorretatik dakarte

 gurdian zamatua.

 Ixildu da loreskiña

 "Oñazez" amaitu-ta.

 Ai, neskatil, neskatilla,

 jo zan berriz neretzat.

 V

 Eguzkia gallur-aldera,

 ibaia dir-dir bean;

 urrezko artoa, legunki,

 firrix-farrax soroan.

 Loreskin-tantak berriro

 aidean dabiltz egan.

 Ai, ereskin zaharra

 ai, ereskin gurea.

 VI

 Bideko zugatz aundiak,

 buruak makurtu-ta,

 lengo zaldunen antzera

 elkarri daude agurka.

 Egoak zabaltzen ditu

 "Artzaiaren oyuak"

 Fraide aren oroipena

 buruan garbi daukat.

 VII

 Aita Donosti-irudia,

 urteak joan ta etorri,

 gero ta aundiagoa

 egiten zaigu ari.

 Aren eresi bikañak...

 aren erti-lan aundi...

 Lekaroz'ko lekaideaz

 oroituko naiz beti.

 VIII

 Zure bitartez, fraidea,

 eskatzen diot Jaunari

 ondu ditzala neskatxa

 eta bere loreskin.

 Baitare Olerkariak...

 (...artean ez nago ni)

 Ta iraun erazo dezala

 bizirik Euskal-erri.