Iņaki Linazasoro-ro jarriak
[Bergarako "Euskal Herian Euskaraz"]
Danes gizajo hori
Bergaran galdua
nahiz korritua izan
askotan mundua.
Mondragon hori non da?
mapan murgildua.
honaino etorrita
hau fundamentua.
Zoro lanen kontra da
gure jaun Iņaki
gizalegea zer den
berak ondo daki;
letrero borratzea
dago oso gaizki.
Obra Ministro Jaunak
harek bai ederki.
Zu zeu ez al zaude ba
Tolosan alkate?
kargu hori duzula
badira bi urte;
zoro batzuek lana
egin ez balute,
letreroak erderaz
segiko lukete.
La Haya, Turin eta
Inglaterran Londres.
joan zaitez Europara
izen hoien galdez.
Den Hagg, Torino, London
huts hutsik direnez.
Txofer danesen gisan
zu be galdu baietz.
Euskaraz azpian dei
erderaz gainean
hori erdera hutsez
ez dagoenean.
Euskadi unibersal
baten izenean
Linazasorok jarri
gaitu jakinean.
Negargarri ezpalitz
hau da barregarri.
zerbait ezingo dugu
lagunduz elkarri;
lan harek egin hehar
ditugunez sarri,
pintura badaukagu
zu ere etorri.
|