Larogeiko hazaroan

Berasategi, Patxi

 Larogeiko hazaroan

 bederatzia zan

 lasarte omendua

 Zegama izan zan.

 lehenengo goratzarre

 zuen Herri-mezan

 Don Josek agertu zun

 Lasarte hori zein zan

 ezjakinik bezegon

 garbi jakin zezan.

 Jendez ta berebilez

 herria betea

 etzan errexa hantxe

 pauso ematea.

 jaialdira sartu nahi

 guztiek batea

 bultzaka hautsi behar

 zineko atea

 bihotzez txalotzeko

 Lasarte maitea

 Bertsolari asko zan

 Zegamara bitu

 denak batera ezin

 inola kabitu.

 Aldiko lau ziraden

 kantatzen aritu

 lora eder askorik

 jasoak baditu

 ez lehendikan Lasartek

 erein ez balitu.

 Gaiak izan ziraden

 Segurolak jarrik

 bertan ez genun entzun

 batere hitz txarrik.

 Ez da Lasarte honen

 pareko izarrik

 bertsuei emateko

 argi ta indarrik

 mundu hontan oraindik

 ezagutu danik.

 Omen hauetan beti

 ohitura hau denez

 hor hasten da Lasarte

 eskerrak emanez;

 «Zegamak maitasun hau

 nola dit» esanez.

 Neronek ikusi ta

 entzuna dedanez,

 baziraden zinetik

 irtenak negarrez

 Kiroldegian gendun

 elkarteko jana

 haundia izan arren

 beterikan dana.

 jatetxeak bazuten

 serbitutzen lana

 ondorenean han zan

 bertsuen emana.

 Amaitu zen kantatuz

 denok AGUR JAUNA.

 Eskerrak omen hontan

 dezutenoi parte

 nahiz ta herrian bizi

 nahiz bizi aparte.

 Eskertzen da Zegama

 eskertzen Lasarte

 hurrengo omenerako

 beste urte bete.

 AGUR denori berriz

 San Martinak arte.