Aspaldiko kantika zahar bat
1
DENEK.- Nondik heldu zira Artzaina?
BATEK.- Ni heldu niz hola heia batetik,
Han mirakulu bat nik ikusirik.
2
DENEK.- Zer ikusi duzu Artzaina?
BATEK.- Ikusi dut Jesus, sortu berria,
Lastoan etzana, buluz gorria.
3
DENEK.- Haurra ederra da, Artzaina?
BATEK.- Ilhargia baino, izarrak baino,
Holakorik ez da sortu oraino.
4
DENEK.- Nor zen han harrekin, Artzaina?
BATEK.- Maria Jesusi esne emaiten,
San Jose ondoan hotz ikaran zen.
5
DENEK.- Zer zen han bertzerik, Artzaina?
BATEK.- Asto bat, behi bat han ziren kausitzen,
Haurra, beren hatsaz, berotzen zuten.
6
DENEK.- Gero, zer ikusi duzu Artzaina?
BATEK.- Aingeru multchu bat zerutik jenak,
Kantika kantatzen Jaungoikoarenak.
7
DENEK.- Othe zen bertzerik, Artzaina?
BATEK.- Ikusi-tut ere Errege batzu,
Haurrari eskaitzen mirra, itsentsu.
8
DENEK.- Zuk, zer egin duzu, Artzaina?
BATEK.- Egin dut othoitz bat Haur ederrari,
Erraiten baitzautan joaiteko hari.
9
DENEK.- Haurra maite duzu, Artzaina?
BATEK.- Nik hura maite dut ez dakit zenbat,
Ama batek haurrak bezenbat.
10
HAU DENEK.- Eta guk, zer egin, lagunak?
Goazin harren gana denak lasterrez,
Othoitz egitera bihotz bihotzez.