Espetxetikan Urumeako bailara batetara, Ereñozura
Beltza
Hastera noa bertso batzuek
idatzitzen espetxetik
barrio bat oroitu nahian
maitea bai dut barrundik
nola jaietan dagon ba orain
ezin dut kendu burutik
pakea desio diot guztiz
nere bihotz bihotzetik.
San Antonio jaiak direla
Ereñozun dago festa
makinabat etxetako bada
jai egun hauekin kezka
ikusiko dituzte gazteak
dijoaztela farrezka
aita amak lasaitu zaitezte
disfrutatu mutil neska.
Urte bat inguru izango da
falta naizela hortikan
baina ez pentsa ahaztu naizenik
lagunak zuengandikan
haruntz begira egoten naiz ni
hemen leiho batetikan
eta nahiago nuke nik ere
hor banego oraindikan.
Hamaika juerga egina naiz
San Antonio jaiekin
izanda ere ibili leike
holako jendearekin
tabernak guztiz beti bezala
txanpaña freskuarekin
benetan kejatzerik ez daukat
zuen borondatiakin.
Beti izan dut humore ona
jai hoietako gogua
horregatikan Ereñozura
pozez izan naiz bildua
urte mordoska zuekin egin
orain kartzelan sartua
baina berehala hor naiz eta
presta zazute lekua.
Gu buelta asko emanak gara
tabernatik tabernara
eta hutsikan tabernatikan
inoiz ez gara atera
inalak egiten genituen
guk igotzeko plazara
baina beldur izaten genuen
gero nola jeitsi bera.
Edan eta edan eda edan
ezin kendu egarriak
makinabat badira honera
horretara etorriak
nere begiz negonek askotan
bai zerate ikusiak
ta gustora esango nituke
zein diren izen guztiak.
Ereñozuko nere lagunak
jatorrak eta zintzuak
San Antonioren jai hoiekin
pozez zaute geientsuak
espetxetik bidaltzeizkizutet
nere bihotzetik bertsuak
baita ere desio dizutet
jaiak alaitsu batzuak.
Agurtuz laister bukatutzeko
azken aurreko bertsua
espetxetikan Ereñozura
luzaturikan kantua
barrioko neska gaztientzat
azkenengo enkargua
Beltxaren partetik denontzako
mila pilobat muxua.
Bertso hauekin bildu naiz piskat
gaurko egun zuengana
bitartez agurtu behar ditut
nere aita eta ama
anaiak eta lagunak horko
ume aiton ta amona
eta aurtengoz besterik gabe
denoi besarkada bana.