Egungo errientak
Beltchuko artzaina
1
Bertsulari batentzat othe da penarik
Sujet eskasa baino, handiagorik
Hortik karkula
Hantik akhula
Orotarik bilha;
Irinarekin beita egiten ophila.
2
Egunero errientez nahi naiz mintzatu.
Zer duten jasaiteko, laburzki khondatu,
Bai Laphurditik,
Bai Chuberotik,
Bethi solas bera:
Ez dela nihoiz izan oraiko manera.
3
Paga aphal zutela arrenguraturik
Hor dute gure moltsa ontsa sangraturik
Batek hau dela;
Bertziak ez dela;
Guk oro antola:
Gaizo laboraria, emak hola, hola.
4
Etche ederrik dire orai herrietan,
Horientzat eginak, bortchatuz zergetan.
Barne nasaiak,
Ontsa gostaiak
Laña eta geiak,
Jauregi handi batzu, gure eskolateiak.
5
Haur ttipi horiekin direla lehertzen
Eskualdun buruetan ez da bethi sartzen
Zonbat bakhantza,
Eta librantza,
Phesta edo pausa
Luze ez bada labur, nolakoa den kausa.
6
Etsaiak baituztela, diote gambaran
Deputatu orriek, eskuak ikharan:
Dela burrhaso,
Dela serora.
Aphez eta fraide
Errientaren kontra, guziak ahaide.
7
Aitamek uste zuten haurrak emaitean,
Ikhusteko zutela arimen gainean.
Ezetz diote,
«A bas caloté»
Naza dela bethe
Horra zuzentasuna: «Vive la Liberté»