inprimatu
Itzalen zauria
Izenburua:
Itzalen zauria
Sinadura:
Beloki Iraola, Agustin (Usarraga-zar)
Urkizaren iruzkina:
Egilea(k):
Beloki, Agustin

Argitalpena:
Karmel.
Urtea:
1986
Argitalpenaren urtea:
Alea:
1
Orrialdea:
110

 

 

 

 

faksimilea ikusteko


Itzalen zauria

 

Beloki

 

 Oiñots illaunaz zatozan

 arrastiko argi biguna,

 geratu zaitez nirekin,

 zeru-dizdir urreduna,

 zu barik izuz bainabil,

 gogoa larri ta ituna,

 zu barik ez dot bizi nai,

 neure begien kutuna.

 

 Bildur naz, bildur, ai ene...!

 urreratzean isillez

 gabeko besana illuna

 arima-argiak eraillez

 Orduantxe sentitzen naz

 izu bizian dardarez,

 asperen geldi isilletan

 asten nazala negarrez

 

 Gabeko leize itzaltsutik

 sagu-zaarren antzekoak

 izu-erreskadan yatordaz

 nire galduriko atzoak.

 Noiz ezagutuko ditut

 itxaropenez zoroak,

 inguruko illunpetan

 apa-laztanen egoak!

 

 Noizean bein ezustean

 agertzen yataz izarrak

 ortzian zear igorriz

 mezu baten irriparrak.

 Baiña arin biurtzen dira

 aztutako lora igarrak,

 barriro astintzen nabela

 dardar otzezko nigarrak.

 

 Ez naizu bakarrik itzi

 arrats-beerako bitxia,

 bildur naz, bildur, ai ene...!

 gogoa baidot autsia...

 Laztandu nire oroimena,

 maite zaitudan argia,

 uxa nigandik urruti

 gabeko itzalen zauria...!

 


inprimatu