Sakabantu nahi hori
Belar-Beltz
Basamortura eramanikan
mila kilometrutara,
Euskaditikan hain urrun ere
sartu dira borrokara.
Askatasuna eskuratzeko
hori da bide bakarra,
heldu dadila gure adore
"Azebutxe" horretara.
Beste bost berriz Hueska aldera
sakabanatu nahi hortan,
horrek soilikan dakarkigula
elkartasuna borrokan.
Inolaz ere nahi bezalaxe
sartzeko prest damuketan
bide bakartzat jo dezatela
datzana negoziaketan.
Daroka kartzel gogor ta latza
nahiz eta izan berria,
beste bost lagun ari zarete
bizitzen une larria,
hala eta guztiz ezin dizuet
inolaz kendu irria,
aske ta gorri bilakatuko
duena Euskal Herria.
Okaņan ere hiru burkide
denak enbor berarenak
zulo ospetsu mixerable ta
zikin hortan zaretenak.
Franko garaian gaur egun ere,
mazmorrarik ilunenak,
aurki beregan bilduko gaitu
guk dugun Herri maitenak.
Gainontzeko kartzel guztietan
txapaturikan gaituzte,
ez dugula amore emango
heurek ere badakite.
Lagun arteko elkartasuna
galerazi nahi digute,
borrokan ari izango gara
Euskadi askatu arte.
