[Bertsotan]
Beitia, Jose Ramon - Izazelaia, J.I.
B.
Txiki nintzala esan zidazun
kabitik ez irtetzeko,
baina gogua nerekin nuen
nik kanpua ikusteko,
ama maitea eskatzen dizut
arren neri barkatzeko,
kaiola hontatikan irtetzen
une hontan laguntzeko.
I.
Zure gosea piskat mantetzen
ez zenduen asko jakin,
hargatik zure kartzela hortan
bizimodua da gordin,
nahiz ta ez uste gozoa zenik
egin zenduna atsegin,
etzazu zuk beldurrikan izan
maite zaitut berdin berdin.
B.
Sekula santan ez zait ahaztuko
ama oin zuri entzuna,
eskeini didazu bat batean
zuk neri laguntasuna,
bihotza zabalik baita eskeini
betirako maitasuna,
nahiz preso egon berekin badet
aurrerako poztasuna.
I.
Esan dezunez betiko dezu
nigandik laguntasuna,
sendikoa zu nola zeraden
horra gure ondasuna,
kaiola hontan izango dezu
zure biziko laguntza,
muga batek ez bait du apurtzi
ama baten maitasuna.
B.
Ama maitea maite nauzula
betikan dizut igarri,
nere begiak negar malkotan
orain e(g)in didazu jarri,
aurrera ere maitasun hori
neri emaidazu sarri,
eta mesedez bisitatzera
noizik behin hona etorri.
I.
Egunero etorriko naiz
hori nahi nizuke esan,
zu umetxoa hor ikusirik
ez egoera errezan,
abestuko det zure ondoan
urretxindorraren gisan,
kartzela hontan egun sentia
gogorra ez dadin izan.