Muguerreko Haitza

Beharrichuta

 1

 Denek dute ezagutzen Muguerreko Haitza,

 Aspaldiko demboran urtzoen egoitza.

 Urthe guziez kasik ber berak dabiltza;

 Ez omen dira segur bolboraren lotsa.

 2

 Ihiztari erniak, Behere hortarik

 Hor harat badohazi aztalak arinik,

 Fortuna egin nahiz, ez dugu dudarik,

 Intha, oihan, erreka, patar gainditurik.

 3

 Ihiztari gaizoak etchola zilotik

 Utzoeri begira ari urratzetik:

 Egunian bat ezin kolpatuz nihundik.

 Laster airatzen dira azantzaren gatik.

 4

 Dihizirak dituzte berririk eginak;

 Ez dituzte higatzen, hala dira famak,

 Muguerreko Arbola, Haitzen Erreginak,

 Begiratzen baititu gaicho hegastinak.

 5

 Aurthen dira urtzoak Muguerren khario;

 Ez dakit zembat duen bakhotchak balio.

 Gizon ausarta banintz zerbait erran nio;

 Bainan hori uzten dut bertz-aldi artio.

 6

 Nere partetik ditut hambat urrikaltzen

 Nik ez dakit zerk duen afera gastatzen

 Ala tropa handiek dituzten lotsatzen,

 Bethi gure aldiko zerbait da gerthatzen.

 7

 Ihiztari Jauneri Agur-ta Ohore,

 Muguerreko herria, berdin zuri ere.

 Aurthen egonen dira urtzorik jan gabe

 Beharrik ez niz izan gormant behinere.