Ez gaituzte hilko
Bego
Lore zimelduaren tristezia
zure begien itsasoa
zuhaitz eroriaren karrasia
zure aho-ezpainen deia.
Zapuztu zintuzten,
musika iraultzailea
iraultza gizonena
gizona zure jabea
izan
izaten
izango
delako
ohe ertzeko
panpin delikatua
ama emankorra
serbitzari prestua
erraz
erosi
erosten
erosiko
delako
EZ
inoiz
EZ
ezergatik
EZ
Bizia
kantua
udaberriko landetan
egindako maitasuna
maite
maitatzen
maitatuko
dugulako
Eguzki goiztarraren karizia
zure ilearen landa
bedar gaztearen malizia
zure eskuen laztana.
|