Asis'tarrari

Begi-beltx

 Izar eder bat agertu zaigu,

 izar argidun garbia,

 t'izartxo orrek argitutzen du

 bide zabal ta eztia.

 Asistarra da gure poza ta

 gure atsegin guztia,

 i'ikusi naiez begira dago,

 zuri begira begia.

 Asistarra da gure iguzki,

 gure iguzki t'argia:

 argitu beti zure bizitzaz,

 argitu guri bidia.

 Ez aztu, arren! zure auetaz

 Asisko pitxi zuria,

 Ezarri, Aita, gure biotzan

 Jaungoikoaren legia.