inprimatu
Santsin!
Izenburua:
Santsin!
Sinadura:
Becas, Charles (Harrazpi)
Urkizaren iruzkina:
Egilea(k):
Becas, Charles

Argitalpena:
Escualduna.(Eskualduna).
Urtea:
1908
Argitalpenaren urtea:
22
Alea:
1116.zk.
Orrialdea:
4

Santsin

 

Harrazpi

 

 1

 

 Igande ilhuntze batez

 Etche alde zohala.

 Erroz gora erori zen

 Santsin? zabal-zabala.

 Izarrak nihon ez ditu

 Ikhusi han bezela;

 Ilhargia ferekatuz

 Gan zen gan berehala.

 

 2

 

 Echker eskuin, andarkoka

 Santsin abiatzen da,

 Alabainan, mozkortua

 Betbetan ezin senda!

 «Ez nezakala, zioen

 «Gau ilhuna, izenda,

 «Hi bahintut salatari.

 Bahuke, to zer konda?»

 

 3

 

 Badaki ichilik dela

 Egonen gau ilhuna,

 Bainan, bainan, changoari

 Maiz nausitzen chalduna!

 Han dago, han, Santsinen goait,

 Mari Martin papuna!

 «Hura bolakatzen baduk,

 «Santsin, hi zer gizona.»

 

 4

 

 Etchera'ta andreari

 Erraten omen dio

 «Eroriko hunek ez din

 «Samurtzea balio!

 «Erran no, Santsinen gaitza

 «Noiz gosta zain kario?

 «Bethi badin ostatutan,

 «Merke botikario?»

 

 5

 

 «Hordi tzar gizon higuina,

 «Urrun hakit bichtatik,

 «Ochala ez bahintz jalgi

 «Putzuaren zolatik

 «Zer sofriarazten dukan,

 «Jainko Jaunak bazakik!

 «Ai! nola bada gate hau

 «Sartu nikan lephotik!»

 

 6

 

 Goiz aldera, ez errechki

 Jeiki zen bada Santsin,

 Ziolarik lagunari

 «Atch! hementche dinat min!»

 Hunek aldiz: «Sendatzeko

 «Hauche behar duk egin;

 «Enekin bezein maiz hadi

 «Samur botoilarekin.

 

 7

 

 «Ichilik egonen giza,

 «Emazteki ergela!

 «Ni bezen senhar gozorik

 «Hots badakin ez dela.

 «Hanka debru hunek zatan

 «Galdatzen ur ephela;

 «Hik ere aise uzten dun

 «Ur hotzean igela.»

 

 8

 

 Santsin gaizoaren ganat

 Ethorri zen barbera,

 Eta zion, han nonbeitik,

 Elhorri bat athera.

 Ez dakit egin zioten

 Larderia sobera,

 Bethi Santsin gelditu zen

 Lehengo Santsin bera.

 

 9

 

 Santsin hunen iduriko

 Zembat den bazterretan!

 Zembat nigar, eskatima,

 Igande arratsetan!

 Gazte danik dagoena

 Berant ostatuetan,

 Zahartzean izanen da

 Bethi trapu tzarretan.

 


inprimatu