Lanerakoan, laborari Jinkotiarraren kantua

Harrazpi

 1

 Huna arrasta ezin hauts dezaketana,

 Lehen burasoeri Jinkoak emana:

 "Kolpatua baituzue Jaunaren zuzena,

 "Izerdiz chahuturen duzue hobena.

 2

 Du Jesusek, izerdiz, maiz kopeta busti,

 Nola bada nik lana maite dut hoin guti!

 Zuzen da egon nadin, gau-egun, beldurti,

 Hitz zaharrak baitzaizkit gogoratzen beti.

 3

 "Handien aintzinean nor ez da herabe?

 "Ni, aldiz, zurekilan, oi Aita, zoin trebe!

 "Zu zaitut ezagutzen ditudanen jabe,

 "Hurbil atchik nezazu, deus ez naiz zu gabe.

 4

 "Oi aita amultsua, zeruan zarena,

 "Atzarri bezen sarri, heldu naiz zu gana.

 "Zer egin behar dudan, dezadazu mana,

 "Amodioz, zuretzat eginen dut lana.

 5

 Zer nahi gerta dadin, hots, laboraria,

 Orhoit Jinkoa dela denen gidaria.

 Erain gabe bizi da, aphur bat, choria,

 Bizi huntan, zuk lana, bertzean saria!