inprimatu
Ainhoako kapera
Izenburua:
Ainhoako kapera
Sinadura:
Becas, Charles (Harrazpi)
Urkizaren iruzkina:
Egilea(k):
Becas, Charles

Argitalpena:
Escualduna.(Eskualduna).
Urtea:
1896
Argitalpenaren urtea:
10
Alea:
484.zk.
Orrialdea:
3

 

 

 

 

faksimilea ikusteko


Ainhoako Kapera.

 

Harrazpi.

 

 1

 

 Nork ez du, Ainhoan,

 Maite kapera?!

 Nork lio hauzoan,

 Maita sobera!

 

 Agur....

 

 2

 

 kapera maitea,

 Erran dezaket:

 Zure ikustea

 Zaitala laket.

 

 Agur....

 

 3

 

 Indar du othoitzak

 Hemen, o ama!

 Zu ganat bihotzak

 Haurra derama.

 

 Agur....

 

 4

 

 Zatozte, burhaso,

 Jainkotiarrak;

 Aitaso, amaso,

 Bai eta haurrak.

 

 Agur....

 

 5

 

 Zatozte, beilari

 Hauzo, arrotzak.

 Detzogun amari

 Eskain bihotzak.

 

 Agur....

 

 6

 

 Zatozte, hiritik.

 Herrietarik!

 Othe da beilarik

 Ederragorik!!!

 

 Agur....

 

 7

 

 Osagarri galdez

 Zato, eria.

 Humilki erranez:

 Agur, Maria.

 

 Agur....

 

 8

 

 Amak du entzunen

 Bai, zure boza

 Eta sendaturen,

 Dukezun gaitza.

 

 Agur....

 

 9

 

 Orhoit, marinela,

 Gal-orduetan,

 Indar dukezula

 Maria baitan.

 

 Agur....

 

 10

 

 Badugu, munduan,

 Maiz atsekabe;

 Nork iraun, guduan,

 Ama, zu gabe!

 

 Agur....

 

 11

 

 Zuk, gizon gaztea,

 Jakin ezazu;

 Arima saltzea

 Ez dela hatzu,

 

 Agur....

 

 12

 

 Ochala gudutan

 Erraten balu:

 "Urrun hakit, Satan,

 "Bai eta zalu!"

 

 Agur.

 

 13

 

 Nechkatcha gaztea,

 Oihu egizu:

 "O Ama maitea

 "Salba nezazu.

 

 Agur....

 

 14

 

 "Ez ditake izan

 "Enetzat onik,

 "Amaren gerizan

 "Egonez baizik.

 

 Agur....

 

 15

 

 "Arimaren jabe

 "Dut hautatua:

 "Bekaturik gabe

 "Kontzebitua."

 

 Agur....

 

 16

 

 Etsaiak nahi du

 Beretu haurra.

 Nahi du goibeldu

 Bihotz ederra.

 

 Agur....

 

 17

 

 Amak, aldiz, hitza

 Zinez eman du:

 "Haurraren bihotza

 "Nahi du zaindu."

 

 Agur....

 

 18

 

 Bekatuan denak

 Erran dezala:

 "Ifernutik amak

 "Beira nezala.

 

 Agur....

 

 19

 

 "Maiz dut aiphatuko

 "Zure izena,

 "Delakotz zeruko

 "Bide zuzena.

 

 Agur....

 

 20

 

 "Azken orenean,

 "Zagozkit hurbil,

 "Nik zure menean.

 "Nahi baitut hil.

 

 Agur....

 

 21

 

 Zerurat heltzean

 Zer duket falta?...

 Harat hel artean

 Dezaket kanta!

 

 Agur!...

 

 


inprimatu