Eguerri
Baztarrika
Neguaren otza!
Elur ta izotza.
Dardaraz gorputza...
Negu-gau illuna,
Izarrik ez duna.
Au negu astuna!
Pekatu-gau otza,
Pekatu-gau beltza.
Au negu zorrotza!
Belengo berri,
Berri pozgarri
GABON, EGUERRI!
Jesus etorri,
Aur zoragarri.
Belengo zeru!
Amaren besotan
Jaungoikoa lotan.
Millaka aingeru
Kantari Aurrari
Kantari lurrari:
Aintza Jainkoari,
Pake gizonari.
Belengo zeru!
Belengo Argi!
Zeruko Eguzki
Belenera jetxi.
Belen, zeru berri.
Gau illunean,
Negu betean
Neguko Eguzki,
Begi-lasaigarri,
Biotz-berogarri.
Nun zera illargi,
Nun izar dirdari?
Aurrari begira
Ama pozetan,
Amaren ondoan
Aingeruk dantzan.
Belengo Eguzki,
Izar ta illargi!
Belengo Argi,
Eguzki garbi,
Biotzen bizi
Indar ta grazi.
Argi pozgarri.
Eguerri-poza!
Aingeru-otsa,
Artzaiak dantza.
Jaungoiko aundia
Koba batean,
Aingeruen Jauna
Artzai artean.
Aingeruk kantari,
Artzaiak dantzari.
Eguerri-poza!
Belengo Aurtxo!
Zeru-lurrak egin
Zitun Jainkoa,
Seaskan etzanik
Dago gaixoa.
Ain da txikia,
Ain da aundia!
Ederragorik,
politagorik
Ez ikusi nik.
Ao zabalik,
Ixil ixillik,
Biotza pil-pil,
Begiak dir-dir,
Irripar gozoz,
Maitasun beroz,
Zeruko Aurtxoa
Gugatik jaioa.
Gabon, Eguerri!
Txintxarri ta kanpai
Atera ots alai.
Gaur degu jaien jai.
Gabon, Eguerri
Jesus Aurran
Ongietorri.
Guzioi Gabon,
Pake, zorion.
|