Xaharrak bertzelakatu
Battitta
1
Xahartzeak deus ez onik
Ez erraitea beharrik
Bainan ez dugu hautarik
Xahartzen denak zerbait hau badu
luzaz egoiten bizirik
Eta hori betidanik
Hortan deus ez aldaturik
Lehena sortuz geroztik.
2
Gizonak du jakitate
Bainan ez aski halere
Hemen deusik ez dezake
Mediku eta sendagailuek
beti petto egin dute
Bai-ta einen, behar-ere
Hiltzeko pizten baigare
Nolaz nehork jakin gabe.
3
Adinik ez ezagutzen
Pizteak duena hasten
Hiltzeak du akabatzen
Arte horretan ainitz maneraz
gehienak borrokatzen
Zer dugun bada egiten?
Ongi badugu ikusten
On gutti dugu kondatzen...
4
Aspaldi sortu baigira
Ez heldu gider hartzera
Bortxatu goiz lan hortara
Harriturikan hementxet gaude
ikus oraiko manera
Lan-gabezi, pausa, greba
Zoin gutti johan lanera
Halere gauza sobera.
5
Kreatzaileak egina
Iraulia dugu dena
Horra zer dugun Gizona
Egun ezdeustu ainitz gostarik
atzo egin ginuena
Delarik soberakina
Manerarik hoberena
Borrokatzeko aintzina...
6
Borrokak deus ez du onik
Pobrearentzat segurik
Juja hor fruituetarik
Hoin aspaldian borrokan ari
beti bertzek manaturik
Hobetu buru batetik
Eta gaixtatu bertzetik
Ez gaude ez zuzendurik.
7
Zuzena nahiz muntatu
Zenbat dugun Eskolatu
Dena ele-on, prediku
Hek pobreeri kuraia eman
aberatsak mehatxutu
Zer nahi dute pensatu
Diru, Arma, Fede, Debru.
Pobreak beti hor tugu...
8
Egun batez mirakuiluz
Mundu oro pobrez buluz
Ez gindazke denak uros
Pobren laguntzen higatzen
diren
zenbat Arima jeneros
Heientzat deus ezin eros
Ezin eman gauza ez sos
Zenbat gindazken maluros...
10
Ez nahiz denak beltzatu
Onerat zerbait aldatu
Xaharren Paga hor dugu
Xahar guziek orain badugu
gutti edo aski Diru
Horrek gaitu baliostu
Lehen ginenak poxulu
Hola gare bertzelatu.