Lendakaritza
Battitta
1
Aberri baten lendakaria nola beharden hautatu?
Gure oraiko herri-legeak ederki du antolatu
Jende guziek behar dutela hautu hortan parte hartu
Hemezortzi-ra urte doi-doia dituzteneko konplitu
Ordots eta urrixek berdin behar baitute bozkatu.
2
Oraiko tresna berrier esker garenaz geroz griņatzen
Jargi batean laņo jarririk zernahi dugu aditzen
Hoinbertze jende denak jakintsun ari gu denen argitzen
Bereziki bozkatze denbora ari denean hurbiltzen
Estakururik nota aurkitu? balinbagare tronpatzen.
3
Aise delakotz ni bezelako sineskorra lillutua
Zuhurrak mintzo, lendakaritza, dela karga bat pisua
Nolaz dezaket erran bertzela nik ez baitut haztatua
Halare nahi dautzuet erran zeri naizen ohartua
Frantzia dela Gizon azkarrez bai nasaiki dotatua.
4
Zenbat gai berri lendakaritzat nundik nahi den agertzen
Denak jakintsun eta zuhurrak derauzkute erakusten
Dudarik ez da arraza handi buriesetarik jalgitzen
Baņo bakarrik gure lerroko ainitz dutena aipatzen
Irrinarazle gizon bitxi bat ĢColucheģ dutena deitzen.
5
Coluche izena egun hauetan nork ez ote du aipatzen
Gizon, bitxi bat nolaz zerauku betbetan hola goratzen?
Berdin xuriak ala gorriak hortaz zauzkigu mintzatzen
Politika sailean ez baitut deus handirik konprenditzen
Manera hauek ikusi eta segur naizela trixtatzen.
6
Egun ikusten dugun moldea zenbat den deitoragarri
Aberri baten lendakatzea bilakatu irringarri
Gure herria nolaz zerauku hain hortaraino erori?
Direlakoan haurrak bezala beti kalapitan ari
Hoinbertze Gizon jakintsun handi berdin xuri eta gorri.
7
Herri buruak direlarikan irringarri bilakatzen
Populuaren fedea laster zenbatez ez da flakatzen
Horra zergatik gure herrian oral ditugun ikusten
Kolore mota guzietako president gaiak agertzen
Kargu handiak botere oro holaxet baititu galtzen.
8
Kasik josteta cela iduri zinezko behar laitena
Manera trixte hauek emaiten daukuten erakaspena
Aferak gaizki doatzenean beti bertzea hobenduna
Beti berdin xakurrak gatia eta gatiak buztana
Noiz agerturen zeraiku bada egi erranen duena?
9
Coluche bitxiaren partea baita irrin-araztea
Aitor dezagun hunen karguan neke hobe izaitea
Lendakariek daukutenean berdin beteko berea
Holako kargu handi batenzat denek ukanen fedea
Gizon bitxier nota orduan gogora hor plantatzea?...
